Жнівень

Молімся за беларускую эканоміку

1. За сумленнае стаўленьне да працы

Усё, што ні робіце, ад душы рабіце, як Богу, а ня людзям (Калосцам 3:23)

Кожная праца прыносіць прыбытак, а ад пустых словаў — толькі бяда. (Выслоўі 14:23)

Прападзе багацьце ад марнатраўства, а хто зьбірае працаю — памнажае яго (Выслоўі 13:11)

2. Супраць ляноты і разгільдзяйства

Лянівая рука робіць бедным, а руплівая рука ўзбагачае (Выслоўі 10:4)

Многа хлеба бывае і на нівах бедных, але некаторыя гінуць, бо не хапае парадку (Выслоўі 13:23)

3. За сумленны і празрысты бізнэс

Не дапускайцеся несправядлівасьці ў судзе, у меры ды ў вагах. Няхай будуць у вас вагі справядлівыя,эфа справядлівая і гін справядлівы. (Лявіт 19:35-36)

Але каб памятаў ты Госпада, бо Ён дае табе сілу набываць багацьце (Другазаконьне 8:18)

4. За пашану да прыватнай уласнасьці і прадпрыймальніцтва

Не парушай мяжы бліжняга твайго. (Другазаконьне 19:14)

Не крадзі. (Выхад 20:15)

5. За справядлівую выплату заробкаў

Бо працаўнік варты платы сваёй (Лукі 10:7)

Вось жа кажа Пісаньне: «Не завязвай пысы валу, які малоціць» і: «Работнік варты платы сваёй». (1 Цімафею 5:18)

Таго самага дня аддай яму плату за працу ягоную перад заходам сонца, бо ён бедны і платы патрабуе жыцьцё ягонае, каб не прызываў ён супраць цябе Госпада і не было залічана гэта табе за грэх (Другазаконьне 24:15)

Гора таму, хто будуе дом свой на несправядлівасьці, і сьвятліцы свае - на беззаконьні, бліжняму свайму кажа працаваць задарма, і заробку не аддае яму. (Ярэмія 22:13)

6. За падаткаабкладаньне, адпаведнае Божым законам

Дык аддавайце кесару кесарава, а Божае - Богу. (Мацьвея 22:21)

Валадару нельга забраць нічога з уласнасьці народу, абдзіраючы яго гвалтам зь яго ўласнасьці. З сваёй уласнасьці можа ён даць спадчыну сваім сынам, аднак так, каб ніхто з Майго народу ня быў пазбаўлены сваёй ўласнасьці. (Эзэкіэль 46:18)

7. За магчымасьць будаваць дамы і жыць у іх

І пабудуюць дамы, і будуць жыць ў іх, пасадзяць вінаграднікі, і будуць есьці плады іх (Ісая 65:21)

І будуць у ёй жыць спакойна, будуць будаваць дамы, будуць садзіць вінаграднікі; будуць жыць бясьпечна. (Эзэкіэль 24:26)